Friday, March 11, 2016
အရင်က လုပ်ခဲ့လို့ အခုလုပ်စရာမလိုတော့ဘူးလား....
ကျွန်တော်များ ဗုဒ္ဓဘာသာဝင်အများစုတွင် မှားယွင်းနေသော အယူအဆ ပေါင်းများစွာရှိနေပါသည်။
နတ်ကိုးကွယ်သူ၊ ဘိုးတော်ကိုးကွယ်သူ၊ သိုက်ကလာတဲ့သူ၊ စတဲ့အမျိုးမျိုးသော အယူလွဲနေမှုများအား
တွေ့မြင်ဖူးပါသည်။ထိုသို့ အယူလွဲနေကြသူများအား သုံးသပ်ကြည့်သည့်အခါ လောဘကြောင့် ကိုးကွယ်
ကြသူ ဒေါသကြောင့်ကိုးကွယ်ကြသူ မောဟကြောင့်ကိုးကွယ်ကြသူများသာ ဖြစ်ကြောင်းတွေ့ရပါသည်။
ဥပမာ ဟိုနတ်ကိုပူဇော်လိုက် လာဒ်ရွှင်တယ် ဒီနတ်နဲ့တိုင်တည်လိုက် စီးပွားတက်တယ် မကြေနပ်တာရှိရင်
ဟိုနတ်နဲ့တိုက်လိုက် ဆိုတာမျိုးပေါ့။အဲ့ဒိလိုအယူရှိနေသေးသမျှတော့ သူ့ရဲ့စိတ်လည်း အေးချမ်းမှုမရှိနိုင်ဟု
ထင်မိပါသည်။နောက်ထပ် အယူလွဲနေတာတစ်မျိုးရှိနေပါသေးသည်။ ဟိုးအရင်က ဘုရားတရား အလွန်လုပ်
ခဲ့ပြီး အခုကျန်နေသေးတဲ့အချိန်မှာတော့ အရင်လိုမလုပ်ဘဲ နေလို့ရသည်ဟုထင်မြင်နေခြင်းပါ။
ယင်းထင်မြင်ယူဆချက်ဟာ လုံးဝမှားတယ်လို့ပဲ ထင်မိပါသည်။ အရင်ကလုပ်ခဲ့သည့် ကောင်းမှုကုသိုလ်
သည် လုပ်ခဲ့သည်နှင့် အညီကုသိုလ်အကျိုးရှိလိမ့်မည်ဖြစ်သည်။အရင်က ကောင်းမှုကုသိုလ် အရမ်းလုပ်ခဲ့လို့
အခု မကောင်းမှုအကုသိုလ်အလုပ် လုပ်မယ်ဆိုရင် ပြုမိသည့် မကောင်းမှုရဲ့အကုသိုလ်အကျိုးဆက်ကတော့
ခံရမည်ဖြစ်ပါသည်။
ဥပမာ အရင်ကထမင်းစားခဲ့လို့ အခုထမင်းမစားတော့ရင် အဟာရပြတ်ပြီးအသက်ဆုံးဖို့ပဲရှိပါတယ်။
ဒါကြောင့် အရင်ကဆိုတဲ့အတိတ်ကို သင်ခန်းစာယူပြီး ပစ္စုပ္ပန်တိုင်းကို အကောင်းဆုံး တည်ဆောက်နိုင်ဖို့
လိုပါတယ်။ကုသိုလ်တရားတွေနဲ့ပြည့်နေတဲ့ ပစ္စုပ္ပန် ကိုတည်ဆောက်နိုင်ကြပါစေကြောင်းဆုတောင်းရင်း
ကျွန်တော့်အမြင်သက်သက်သာဖြစ်လို့ အမှားများစွာပါနိုင်ပါသည်။
PK(လယ်ဝေး)
Subscribe to:
Post Comments (Atom)
No comments:
Post a Comment