ကျွန်တော့်အမြင်...
ဗုဒ္ဓဘာသာဝင်တော်တော်များများတွင် နတ်များကို ယုံကြည်စွာကိုယ်းကွယ်နေသူများရှိသည့်အနက်မှ ကျွန်တော်သည် ဆရာကြီးရွှေဥဒေါင်း ရေးသောစာအုပ်တွင်(စာအုပ်အမည်မသိတော့ပါ)ရေးသားခဲ့သော စာသားအားအလွန်နှစ်သက်ပါသည်။ထိုစာသားမှာ ကျွန်ုပ်နှင့်မိတ်ဆွေကြီး ကိုဗမော်တို့သည် နတ်များအား များစွာမှလည်းအယုံအကြည်မရှိ...ကောင်းသည်ဟုလည်းမသုံးသပ် မကောင်းပါဟုလည်းမဝေဖန်ပါ...သို့သော် နာမည်ကျော်လူဆိုးကြီးများအား ဝေးဝေးမှရှောင်သကဲ့သို့ရှောင်ကြလေသည်တဲ့။ကျွန်တော်ဆန့်ကျင်တိုက်ခိုက်နေခြင်းမဟုတ်ပါ။လွတ်လပ်စွာယုံကြည်ခွင့်ရှိသည့်အားလျှော်စွာ ကျွန်တော့်အမြင်မတောက်တခေါက်လေးအား ရေးသားလိုက်ရပါသည်။
အတွင်းနတ်အပြင်နတ်ဟုရှိကြသေးပါသည်။နတ်အားလုံးကိုတော့ကျွန်တော်မသိပါ။ကျွန်တော်သိသော ကိုကြီးကျော်နှင့်စလိုက်ချင်ပါသည်။သူသည် သေရည်(အခုခေတ်ကတော့အရက်ပေါ့ဗျာ)သောက်ရတာနှစ်ခြိုက်
ပုံရပါသည်။ကြက်တိုက်ရတာပျော်ပုံရပါသည်။နောက်ပီး သူကငွေးလည်း ပြည့်စုံမယ်ထင်ပါတယ်။ဒါကြောင့်သူ့မှာ နောက်လိုက်တပည့်တွေတော်တော်များမယ်လို့လည်း
ထင်ပါတယ်။သူ့နယ်မှာသူကအထာရှိမယ်ထင်ပါတယ်။သူက ဘာသာသာသနာအတွက် တော့လုပ်ဆောင်သွားတာ မကြားဖူးပါဘူး။(ကျွန်တော်မသိတာလည်းဖြစ်နိုင်ပါတယ်)ဒီလိုလူအသတ်ခံရတော့သူ့နောက်လိုက်တပည့်တွေ
က သူ့ဆရာသေတဲ့အတွက်မကျေမနပ်ဖြစ်ကြမှာတော့သေချာတယ်ဗျ။ဒါကြောင့်သူ့တပည့်တွေက လူစုပြီး ပုန်ကုန်မှုတွေဖြစ်လာနိုင်တယ်။အဲ့လိုဆိုရင်တိုင်းပြည်မငြိမ်မသက်ဖြစ်မယ်။ဒီအရေးတွေကိုမြင်တဲ့ ဘုရင်က မင်းတို့ဆရာသေသွားပြီ...ဒါပေမယ့်မင်းတို့ဆရာကိုငါက ပခန်းမြို့ကို အပိုင်စားပေးလိုက်တယ်...အဲ့ဒီမှာမင်းတို့ဆရာကနယ်စားလို့လှည့်လိုက်တာဖြစ်မယ်ဗျ...
အဲ့ဒီတော့ အရက်သောက် ကြက်တိုက်နေတဲ့ ဆရာရဲ့တပည့်တွေကလည်း လည်လည်ဝယ်ဝယ် ရှိမယ်မထင်ဘူးဗျ...သေသွားတဲ့လူကို နယ်မြေအပိုင်စားပေးတော့ ဘာလုပ်လို့ရမှာလဲ...အဲ့ဒိနယ်မြေကနဂိုထက်တောင် ပိုအေးချမ်းသွားအုံးမယ်...ဘာလို့လဲဆိုတော့ လောင်းကစားသမားတွေ အရက်သမားတွေလည်း သူတို့ခေါင်းဆောင်ကြီးမရှိတော့ဘူးဆိုတော့ အရင်ကလို သိပ်များများစားစားမလုပ်ဖြစ်ကြတော့ဘူးပေါ့...သူတို့ခေါင်းဆောင်ကြီးကို နယ်မြေအပိုင်စားပေးတယ်ဆိုတော့ အကျေနပ်ကြီးကျေနပ်နေကြပုံပဲဗျ..အဲ့တော့မှ နန်းဆောင်တွေဘာတွေဆောက်ပြီး ပုံမှန်အရက်သွားသွားတိုက်ကြမှာပေါ့...နောက်တော့ တဖြည်းဖြည်းခေတ်တွေက ပြောင်းလာတော့နတ်ဖြစ်သွားပေါ့ဗျာ..အမှန်တော့ သူတို့ထက်ခေါင်းကောင်းတဲ့ ဘုရင်က သူတို့ကိုလှည့်လိုက်တာမသိကြဘူး...အရက်သောက် ကြက်တိုက် လောင်းကစားလိုက်စားတဲ့သူကို နန်းဆောင်တွေဘာတွေဆောက် အဆောင်အယောင် အပြင်အဆင်တွေချယ်သပြီး ပွဲလမ်းသဘင်တွေပါလုပ်ပြီး လုပ်စားနေကြတဲ့သူတွေအများကြီးပဲဗျ...အမှန်တော့ သရဏံဂုဏ် မြဲဖို့သာအဓိကပါဗျာ...ကဲ ကိုကြီးကျော်တော့ ဒီလောက်နဲ့ပဲ အိုကေလိုက်ရအောင်ဗျာ...
ကျွန်တော့်အမြင်သက်သက်ဖြင့်သာ ရေးသားခြင်းဖြစ်ပါသဖြင့် အမှားများစွာပါနိုင်ပါသည်။မည်သူတစ်ဦးတစ်ယောက်ကိုမျှမရည်ရွယ်ပါ...
No comments:
Post a Comment